Petsa ti Pannakairuar: Agosto 16, 2023
Makipagtrabtrabaho ti Departamento ti Seguridad ti Pagtaengan (DSP) kadagiti pederal, estado, lokal, ken saan a gobyerno a partners-na tapno suportaran dagiti kasapulan dagiti umili kadagiti lugar a naapektaran iti makadadael nga uram iti kabakiran iti Hawaii.
Gapu kadagitoy a kasasaad, ipalagip ti U.S. Imigrasion ken Panangipatungpal ti Aduana (IPA) ken U.S. Aduana ken Pannakasalaknib iti Beddeng (APB) iti publiko a dagiti lugar a mangipapaay iti emerhensia a sungbat ken tulong ket maibilang a masalakniban a lugar. Iti naan-anay a posible, saan nga aramiden ti IPA ken APB dagiti aktibidad a mangipatungpal iti imigrasion kadagiti masalsalakniban a lugar kas iti igid dagiti ruta ti panagbakwit, lugar a mausar a pagkamangan wenno pannakaiwaras dagiti suplay ti emerhensia, taraon wenno danum, wenno lugar a pagpalistaan para iti tulong a mainaig iti didigra wenno ti panagkaykaysa manen dagiti pamilia ken ay-ayatenda.
Iti kiddaw ti FEMA wenno dagiti lokal ken estado nga autoridad, mabalin a tumulong ti IPA ken APB a mangisayangkat kadagiti panagbirok ken panangispal, de-confliction ti trapiko ti eroplano ken dagiti misyon ti kinatalged ti publiko. Mangipaay ti IPA ken APB iti emerhensia a tulong kadagiti indibidual aniaman ti kasasaadda iti imigrasion. Saan ken saan nga agpammarang dagiti opisial ti DHS kas indibidual a mangipapaay iti impormasion a mainaig iti emerhensia kas paset ti aniaman nga aktibidad ti panangipatungpal.
Makumikom ti DHS a mangsigurado a tunggal indibidual nga agsapsapul iti pagkamangan, tulong, wenno dadduma pay a tulong kas resulta dagiti uram iti kabakiran ket kabaelanna nga aramiden dayta aniaman ti kasasaadda iti imigrasion. Itungpal ti DHS ti misyonna nga awan ti diskriminasion maibatay iti puli, relihion, sekso, seksual a panagkita wenno pakabigbigan ti sekso, nasional a nagtaudan, wenno napolitikaan nga asosasyon, ken maitunos iti linteg ken patakaran.
Para iti impormasion maipapan iti panangipila iti reklamo iti Opisina ti DHS para kadagiti Sibil a Karbengan ken Sibil a Wayawaya maipapan kadagitoy a banag, pangngaasiyo ta bisitaenyo ti https://www/dhs.gov/file-civil-rights-complaint.